I can do it

اليوم المفتوح -  الجمعه 30/11/2018  نهاية شهر نوفمبر الطويل ؛ وبعد عشر ايام دايت لي و سبع ايام دايت سحاب كان اليوم جنه عيد الفطر بعد صوم رمضان 😂💜 . وزنت الصبح أول ما نشيت كان وزني ولله الحمد 75.9 💃🏻 باقيلي كان ميتين قرام واكمل خمسه كيلو 👏🏻💗 . البارحه أقول لسمويا أبا وجبة ماك جراند تشيكن سبايسي و أبا اسكريم منقا وابا وابا 😂 واليوم ع الصبح ؛ امي كانت مجهزه لي ع الريوق فول حلبي ، كلته مع خبز البيت بدون خمير ودهن ، مع كوب جاي حليب 🤝 رحت الحمام بعدها مرتين و وزنت لقيت وزني ثابت حمدلله 75.9 الغدا كان قرب الساعه ثلاث ؛ قطع لحم مبهّر وسلطه لذيذه و حشوة بطاطس و حمص بالزعفران ، وعيش برياني ، يعني اجرام 🤦🏻‍♀️ !! وانا اكل عديت اللقمات اللي اكلتهم ثمان لقمات اكلت اكثر شي سلطه ولحم وشوية برياني .. 💫 بعديين بعد سرت الحمام 💩   ويلست ع اللاب من الظهر لصلاة المغرب اخلص شغل وما اكلت ولا شربت شي...

الخميس   29/11/2018  الحمدلله يارب ، اليوم العاشر لِي و اليوم السابع لـ سحاب ،   انا ما وزنت عشان افرح بـ وزني باجر باذن الله 💛 سحاب نقصت تقريبا 500 قرام 💃🏻💧 !! يومي ماكان فيه تفاصيل لان الدوره قطعت عني ورجعت تنزل اتوقع من التعب والتفكير   لكن الحمدلله على كل حال 💗 بكره بعد ما اوزن بعتبره يوم مفتوح بحدود ؛   بحكم انه اليوم الـ ١١ لي بيكون ..  وسحاب فتحت من اليوم وبكره معاي بيكون مفتوح   والسبت لنا عوده باذن الله وبيكون هو اليوم ال ١١ للدايت لي و اليوم الثامن لسحاب 💗 !!  الاهم اننا باليوم المفتوح اذا مانقصنا ولو القليل   ما نزيد 🤝 !!  بكره باذن الله اكتب لكم كم صار وزني وتفاصيلي يومي المفتوح انا وسحاب 💙 والحين اذا قدرت بطلع امشي وبعدين بنام 💤 !!

الأربعاء :  28/11/2018 هذا هو اليوم التاسع لِي و السادس لـ سحاب 👏💗 أمس بعد ما حطيت البوست ع الساعه 11 ، طلعت أنا وسمويا وابوي نمشي 🏃🏻‍♀️🏃🏻‍♀️💧 . ورجعنا صراحه ماحسيت بتعب الحمدلله بالعكس ييت ابا اشرب ماي خصوصاً إني صايره ماحب الماي عفته !!  المهم نشيت اليوم وزنت ناقص 300 قرام الحمدلله انه بكل يوم ينقص لا يعلّق ولا يزيد   هو طبعا ما بيزيد بس حمدلله ما يعلق 😂 !! 76.5 kg  حمدلله للحين صرت ناقصه أربعه كيلو و ميتين قرام 🙈💋 !! والحين يالسه أسوي الغدا ، وأمس سويت الغدا لـ أهلي وعطشت وانا اسوي فـ شربت وايد ماي 🤟🏽💧 خلصوا الغدا وسويت لليهال اندومي وايضاً أكّلتهم بقلب قامد قدن 😂🍝 !! والحين سحاب بشرتنا انها نقصت 400 قرام الحمدلله يعني رسمياً صارت ناقصه 4 kg 💃🏻 طبعاً أنا قررت قرار إني ما راح أوزن باجر الخميس ؛ بوزن يوم الجمعه يعني بيكون مر علي صيام الماي لـ يومين ، عشان ما انحبط لو شفته باجر معل...