اليوم المفتوح

• اليوم المفتوح - 
• الجمعه 30/11/2018 

نهاية شهر نوفمبر الطويل ؛ وبعد عشر ايام دايت لي و سبع ايام دايت سحاب كان اليوم جنه عيد الفطر بعد صوم رمضان 😂💜.

وزنت الصبح أول ما نشيت كان وزني ولله الحمد 75.9 💃🏻 باقيلي كان ميتين قرام واكمل خمسه كيلو 👏🏻💗.

البارحه أقول لسمويا أبا وجبة ماك جراند تشيكن سبايسي و أبا اسكريم منقا وابا وابا 😂

واليوم ع الصبح ؛ امي كانت مجهزه لي ع الريوق فول حلبي ، كلته مع خبز البيت بدون خمير ودهن ، مع كوب جاي حليب 🤝

رحت الحمام بعدها مرتين و وزنت لقيت وزني ثابت حمدلله 75.9

الغدا كان قرب الساعه ثلاث ؛ قطع لحم مبهّر وسلطه لذيذه و حشوة بطاطس و حمص بالزعفران ، وعيش برياني ، يعني اجرام 🤦🏻‍♀️!!

وانا اكل عديت اللقمات اللي اكلتهم ثمان لقمات اكلت اكثر شي سلطه ولحم وشوية برياني .. 💫

بعديين بعد سرت الحمام 💩 

ويلست ع اللاب من الظهر لصلاة المغرب اخلص شغل وما اكلت ولا شربت شي فـ حسيت احين وقته أوزن !! 

لقيته كم ؟؟  75.9 💃🏻💃🏻

وقليت ادبي وتعشيت فلافل ع عصير ع جاي ع قلة ادب ولقيته كم ؟؟ 

76.3 

والله وايد احترمني وزني ، فـ رحت ومشيت ويا ابوي مششششي وطبعا صح امس بعد مشيت حمدلله من بديت امشي ما وقفت بس اليوم مشيت مشي كلاااااب 🏃🏻‍♀️🏃🏻‍♀️👏!! 

وتوني وزنت لقيته 76.2 kg

ويارب باجر الصبح ينزلن بس مشكله بكره طالعين بحاول ما اقل ادبي باجر وبعد بمشي وااايد 🤝

بالنسبه لسحاب ، بما انها توزن بالصيدليه فماعرفت كم زادت او اذا بعده مثل ماهو 

المهم فطرت ، ملاح ش...... طووووط مشفر😂😂

وحبيبتي قد ما قدرت ماكلت خبز اللهم سلطات والغدا ع الخفيف ونفس الشي بدون خبز 

ونفس وضعي الكل ينتظرها تفتح عشان يسوي لها كل اللي بخاطرها 😂💗

وعقب طلعت اكلت بسبوسه لزيزه ، مسوايه خصيصاً حقها 👏💜💜!! 

وخلص اليوم السعيد ، وباجر بحاول ما اخرب وايد عشان ارجع الاحد بكل قوه واحتمال ما اسير ماعرف والله 💛💛 

نلتقي غداً 💤💫.. 

صح سحاب باجر بيوصلها الميزان يعني بتقدر كل وقت تووووزن 💃🏻💃🏻!!