اليوم التاسع

الأربعاء : 

28/11/2018

هذا هو اليوم التاسع لِي و السادس لـ سحاب 👏💗

أمس بعد ما حطيت البوست ع الساعه 11 ، طلعت أنا وسمويا وابوي نمشي 🏃🏻‍♀️🏃🏻‍♀️💧.

ورجعنا صراحه ماحسيت بتعب الحمدلله بالعكس ييت ابا اشرب ماي خصوصاً إني صايره ماحب الماي عفته !! 

المهم نشيت اليوم وزنت ناقص 300 قرام الحمدلله انه بكل يوم ينقص لا يعلّق ولا يزيد 

هو طبعا ما بيزيد بس حمدلله ما يعلق 😂!!

76.5 kg 

حمدلله للحين صرت ناقصه أربعه كيلو و ميتين قرام 🙈💋!!

والحين يالسه أسوي الغدا ، وأمس سويت الغدا لـ أهلي وعطشت وانا اسوي فـ شربت وايد ماي 🤟🏽💧

خلصوا الغدا وسويت لليهال اندومي وايضاً أكّلتهم بقلب قامد قدن 😂🍝!!

والحين سحاب بشرتنا انها نقصت 400 قرام الحمدلله يعني رسمياً صارت ناقصه 4 kg 💃🏻

طبعاً أنا قررت قرار إني ما راح أوزن باجر الخميس ؛ بوزن يوم الجمعه يعني بيكون مر علي صيام الماي لـ يومين ، عشان ما انحبط لو شفته باجر معلق ولو اقدر اني ما اشوفه خمس ايام چان زين بس للاسف ماقدر  فيني🐛😂!!

وباجر يارب سحاب تفرح بالنزول الاكبر وتدخل رقم يديد ولين يوم الجمعه تكون خلصت من الكيلو الخامس يارب 💧👏!! 

مع الاسف خلصت سرايا عابدين الجزء الاول والجزء الثاني ما حبيته من الحلقه الاولى فـ بنكمله عقب واحين يمكن نحول ع مسلسل تركي صارلي فتره مب شايفه مسلسلاتهم 🤓🤝!! 

وعقب برقد في انتظار اليوم شوووووو؟ 

العاااااااااااشششششر لي و السابع لـ سحاب 💃🏻

متخيييلييييين يا الله كيف يمرن الايام 😍!!

الحمدلله يارب 🤲🏻🌹

إلى المُلتقى 🤟🏽💤