اليوم السادس

اليوم السادس 

الأحد: 

25/11/2018 

أنتوا متخيلين إني دخلت اليوم السادس من الدايت؟ 🤝💧

وسحاب اليوم الثالث ؟ 🤟🏽💧

لا سحاب هاي خلوها ع جنب برمس عنها اول شي 

ماتوقعتها أبداً تصمد ، بس والله كفو ومش بس صامده ميزانها الساعه ٨ المسا بتوقيتنا يعني حتى عشان تعرف وزنها تنتظر يوم طوييل ومع هذا ملتزمه بالماي تصحى بدري وتتحمل !!

والله كفو عليها كل كيلو تنزله وياريتني كنت مثلها

• ماشاء الله تبارك الله عليها - 

لاني اول يومين تعبت ورجّعت فياري اليوم نفرح بنزولج الحلو يا قلبي💗💫.

طبعاً نمت متأخر كنت أشوف المسلسل مع سمويا وقمت الساعه ١٢ الظهر ، ع طول وزنت لقيته 78.0 حزنت ليش ؟ لان بطني كان يعورني وايد واحس ان في شي مانزل ولا كنت بنزل اكثر من الميتين اللي نزلتهم بس الفكره شو ؟ اني نزلت صح ولا ! 

مع ذلك دخلت داخل اسلم على امي ، وبطني ذبحححني ، ركضت الحمام الله يعزكم اسهال فضييع وعلى طول رحت اوزن لقيته 

77.8 💃🏻💃🏻💃🏻!!

رقم يديد بغض النظر عن الاربعمية قرام ، 

وللحين احس في شي ببطني + يقولون ان الرقم اللي يكون ع الميزان وقت الدوره هو وزن وهمي اذا استمريتي ب الدايت قد ما تقدرين اول ما تخلص الدوره بتنزل الكيلوات ، 

فنقول الحمدلله اولاً واخيراً ع كل يوم قاعدين ننزل فيه وكل يوم قاعد يتغير الرقم 💛💫.

طبعا سحاب اليوم تفوز بجايزة سفيرة الطاقة الايجابية ، كيف تحمس الواحد يكمل يااربي 

جد انتي نعمه يا سحاااب 🕊💗.

حطوا الغدا لليهال ومن كثر ما انا ايلس عندهم وقت الغدا من يومين صرت احس يوم بيخلص الدايت بكل شراتهم تعرفون الاكل البارد المهروس اللي متروس روب ههههههههه 

واليوم وكلت يزوي بنت اختي مجبوس 

يا الله ريحته فخشششمي للحين ، بس امي اليوم ماعزمت علي ع الغدا خلاص يأست حليلها لين امس بالليل وهي مخبيه لي بالمايكرويف غدا تقول يمكن مريم تتعب 😂💗

المهم عقب ما خلصوا يلست اشوف المسلسل وشربت ماي لتر ونص للمغرب . 

اذن العشا ورحت مع امي للمطبخ وسوينا كوكيز نوتيلا وكالعاده اخبي لي لليوم المفتوح اللي ما اعرف بيكون متى 😂👏. 

وزنت والمفاجئه اني رسيماً صرت ناقصه ثلاثه كيلو الحمدلله 💃🏻 77.7 رقم مميز للبيع بشحمه ولحمه.

المهم انا حاليا يالسه اكمل اللترين وبشرب اكثر عشان انقص باجر كيلو يااااارب 😞💗

بيكون كيلو لو صار 76.8 لان هذا وزن الصبح .

و البشرى الساره إن سحاب دخلت ف اخر رقم من المرحله الاولى وباااجر الساعه ست بتوقيتهم بتوزن بتلقى نفسها دخلت ب الهدف الثاني 💃🏻💃🏻.

قبل شوي ياني الشيطان واصر علي افتح علبة كوكيز النوتيلا وفتحتها وتخيلو الحين الساعه ٩ بالليل يعني ابدا مش وقت تخبيص وحرام اضيع جهد يوم كامل بس كان عقلي كله ف قطعة الكوكيز لين انكسرت القطعه بيدي ورديتها مكانها وتعوذت من الوزن واعوانه😂 

يعني حتى الكوكيزه موش عيزاني اكُلها 🌚.

يوم سعيد كان بجد بنزول سحاب عند آخر رقم من الهدف الاول ، جد انا فخوره فيهااا 💜🕊.

بحاول اشرب لترين ونص ماي🎚

وبكمل مسلسلي ويرقد 💤

نلتقي اليوم في السابع لِي واليوم الرابع لسحاب 💫