اليوم الخامس

24/11/2018

اليوم السبت 

هذا خامس يوم لي و ثاني يوم لـ سحاب ؛ 😍👏

البارحه هي وزنت وحطّت خطتها 

على أربع مراحل

المرحله الاولى بتنتهي منها يوم الثلاثاء بإذن الله

وبعدين بتدخل المرحله الثانيه وتبدأ 

رحلة التغيير الفعلي 💃🏻!!

نمت البارحه متأخر وقلت أحسن عشان 

أقوم متأخر ويكون مر جزء كبير من اليوم 😋

قمت الظهر و غسلت وفرّغت الحموله🌚

و وزنت لقيت وزني : 78.2 💫💧

اليوم الأول نقصت :

كيلو + ماي مناسب

و اليوم الثاني نقصت : 

500 كيلو + ماي اقل + برتقال

والثالث نقصت : 

300 قرام  + ريوق + ماي اقل

والرابع نقصت : 

700 قرام + ريوق + ماي مناسب 

الظهر : شربت ماي .. ويلست اشوف التلفزيون

بحكم ان النت فصل بالبيت🤦🏻‍♀️ 

واحس اني مش تعبانه اللهم لك الحمد ؛ 

لكن مالي خاطر اشرب ماي وهالشي مب زين 

فـ بجبر نفسي اني اشرب عشان ما اتعب باجر وارجع لسالفة الريوق وبدال لا انقص كيلو انقص اقل !! 🐢

العصر : توه مأذن ،شربت ماي وبيكون نص اليوم خلّص باقيه اربع ساعات عن اذان العشا ويخلّص اليوم الخامس 💪🏻💙.

المغرب : متحمسه أعرف كم نزلت سحاب 🤲🏻

وبنفس الوقت بدا التعب يطلع ، مب عطش ولا يوع بس الم الدوره و دقات قلبي تزيد وارهاق فضيع 😞!!

نهاية اليوم : 

شفتوا التعب اللي كنت فيه كلّه ؟ 

والله كله راح من كلمتني سحاب 

وقالت انها نزلت كيلو وسبعميه 😍💜

كيف تحول كل هالتعب لطاقه ايجابيه 

لي ولها وحمّست صديقتها معانا بعد

الحمدلله يارب ، باذن الله باجر او اللي بعده

 تخلص سحاب من هدفها الاول 👏💙

بالنسبه لي أنا : 

ماشربت غير لتر ماي 🎚

وبحاول اكمله لـ لتر ونص ، 

وهالشي اكيد بيأثر ع نزولي بكره

لكن بكل الاحوال بكره بدخل رقم يديد

باذن الله واشوف الـ 77 على الميزان 💧! 

تسبحت وحسيت تجددت طاقتي 

وبكمل مسلسل سرايا عابدين مع سمويا 🕊

ووو برقد بعدها 💤!! 

يوم سعيد كان لي و لسحاب 

وصلت انا لـ كيلوين ونص نزول 

وسحاب لـ كيلو و سبعميه + هي توزن بالعباه وثيابها يعني اتوقع لو عندها ميزان بتكون كيلوين 💗💗💗💗! 

نلتقي باليوم السادس لِي و الثالث لـ سحاب 💫.