البداية

*التقرير اليومي لي مع الدايت * 

قبل كل شي لازم تعرفون شيّ .. 

اني قررت اسوي هالبلوق طبعا هاي بلوق برايفت يعني ما تنلقى ف السيرچ بـ قوقل بس اذا انا عطيت حد الرابط .. 

وثاني شي انا قررت اسويها عشان اتحمس اكمل الدايت اللي انا اسويه .. 

وبعدين ارسلها بعد ما اوصل للوزن المثالي 🕊💙.

محد فـ بيتنا كله يتوقع ان هذا وزني الحالي 

طولي : 168 .. بس طبعا وزني ظالم طولي 

لان دايم يقولك الشخص اذا متن يقصر واذا ضعف يزيد طوله هو فعلياً ما يزيد هو يبين طوله الحقيقي .. 

وزني : وصلت لـ نص السبعين لـ اخر السبعين بس بحياتي ما شفت الثمانين وانصدمت اني حالياً وصلتها .. يمكن وايدين يحسون ان هالوزن يوصلون له الشباب وعادي 

ترا البنت تفرق الف مره عن جسم الريال

الريال يقرب التسعين جنها بنت مقربه اخر السبعين .. 

الخصر ينمحي وحتى لو بيّن البطن يكون فضييييع والارداف وغيره يعني مأساه 

وزني المثالي : من ٥٨ لـ اول الستين 

وانا زايده ع المثالي فوق العشرين كيلو ! 

وزايده عن الطبيعي قرب الـ عشره كيلو !! 

وطبعا سويت قبل فتره دايت ووصلت للوزن الطبيعي اول الطبيعي تقريبا فشهر و شي تقريبا مع تخبيص مستمر لكن مع الاسف ما كملت 

وطبيعة جسمي عريض يعني اذا المثالي اول الستين مفروض اوصل ل اول المثالي يالله يبين علي اللي هو بالخمسين .. 

فـ فجأه وبدون مقدمات قررت اسوي دايت الماي وليلتها كنت ما مخليه شي مب ماكلتنه وهذا غلط طبعا اني ابدا ما هيأت نفسي بس ماعلينا .